Kosova dhe Serbia nuk do të pranohen në BE pa një marrëveshje gjithëpërfshirëse, këtë fakt e ka njoftuar Viola von Cramon, raportuesja për Kosovën në Parlamentin Evropian.
Deklarata e saj u bë gjatë Komisionit Parlamentar për Stabilizim-Asocim në Kuvendin e Kosovës.
Sipas Von Cramon, nëse nuk ka një marrëdhënie të qëndrueshme dhe të paqes, i gjithë rajoni do të ketë ndikime të huaja për të prishur stabilitetin e BE-së.
“Pa një marrëveshjes gjithëpërfshirëse për normalizimin e marrëdhënieve ndërmjet Kosovës dhe Serbisë, pranimi në BE nuk do të ndodh për dy vendet. BE-ja duhet t’i shërbejë Kosovës dhe Serbisë për një marrëdhënie të qëndrueshme dhe të paqes. I gjithë rajoni do të vazhdojë të jetë një tokë për ndikimet huaja dhe për të prishur stabilitetin e BE-së, siç e kemi parë në Bosnje”, tha Von Cramon.
Për Romeo Franz, kryetarin e delegacionit të Parlamentit Evropian, Kosova e meriton dhe ka plotësuar të gjitha kriteret për heqjen e regjimit të vizave.
“E kuptoj shumë mirë se mund të ndiheni të lënë anash nga disa vende në BE, mirëpo në Parlamentin Evropian është një konsensus i gjerë se Kosova e meriton dhe ka nevojë për vëmendjen tonë të vazhdueshme. Kur kemi të bëjmë me liberalizimin e vizave ne jemi aleat të juaj të palëkundur, ne nuk kemi t’iu bindim për këtë, ju e dini këtë. Disa vende akoma po hezitojnë për dhënien e liberalizimit të vizave për Kosovën. Të jeni të bindur qartë për këtë se liberalizimi i vizave ka të bëjë me mbajtjen e premtimeve të BE-së, premtime këto që janë dhënë para tri vitesh”, deklaroi Franza.
Ambasadori Tomáš Szunyog, shefi i zyrës së BE ka pohuar se Kosova i ka përmbushur të gjitha kriteret. Sipas tij propozimi është mbështetur edhe nga Parlamenti Evropian e po shqyrtohet nga Këshilli.
Discussion about this post