Kryetarja e organizatës anti-Iraniane Mujahedin-e-Khalq (MEK) Maryam Rajavi, nga sot e ka të ndaluar që të hyjë në territorin e Republikës së Shqipërisë. Mediat në Iran shkruajnë se Prokuroria Speciale Kundër Krimit dhe Korrupsionit (SPAK) i ndaloi Rajavin të hynte në vend pas shqyrtimit të dokumenteve që tregojnë se MEK ka udhëhequr veprime terroriste brenda Republikës Islamike të iranit.
Rajavi u largua drejt Francës pasi policia shqiptare bastisi kampin e MEK me urdhër të SPAK-ut në muajin qershor. Gjithashtu të enjten, një burim policor në provincën Sistan dhe Baluchestan të Iranit raportoi se një anëtar i MEK u arrestua në Fanuj. Sipas tij, streha e terroristit u identifikua pas kryerjes së punës së saktë të inteligjencës.
Forcat policore të shtetit ballkanik hynë në kampin e MEK, të njohur si Ashraf-3, më 20 qershor për shkak të angazhimit të saj në sulme terroriste dhe kibernetike kundër institucioneve të huaja. Autoritetet konfiskuan 150 pajisje kompjuterike të lidhura me aktivitete terroriste.
Të paktën një person u vra dhe dhjetëra të tjerë u plagosën gjatë përleshjeve në kamp. Më shumë se një javë më vonë, policia në Shqipëri hyri përsëri në kampin Ashraf-3 dhe forcat e sigurisë u vendosën në hyrje të kampit dhe kontrolluan të gjitha automjetet që dilnin nga vendi.
Discussion about this post