Tenderët e ministres, Belinda Balluku, janë madhështore vetëm nga sasia e parave që vidhen sepse nuk ndodh që t’i shohim të vëna në zbatim. Këtë herë Ballukut i është denoncuar tenderi për “Studim Fizibiliteti dhe projekt-ide për lidhjen hekurudhore Durrës-Prishtinë”.
Në një dalje pak ditë më parë ministrja e Infrastrukturës dhe Energjisë, Belinda Balluku tha se tashmë procesi i tenderimit ishte mbyllur dhe se do të kalohej në një fazë tjetër. Por, me datë 19 në Komisionin e Prokurimit Publik ka mbërritur një ankesë nga operatori “ABKONS shpk”. Ankimimi ka për bazë autoritetin kontraktor në këtë rast Hekurudhën Shqiptare por ende në faqen e KPP-së nuk është ngarkuar dokumentacioni argumentues i operatorit ekonomik.
Në ankesë thuhet se operatori fitues nuk ka plotësuar të gjitha kriteret, duke theksuar se nuk ka paraqitur pasqyrat financiare për vitin 2021. Kur kjo është bërë dhe një nga arsyet që ABKONS shpk” dhe kompania bashkëpunuese të përjashtohen nga gara.
Ndërsa më tutje thuhet se disa nga kriteret e tenderit, si për shembull numri i specialistëve që kërkohej ishin kritere burokratik. Të cilat, lënë për të dyshuar se fituesi ishte i përcaktuar,.
Sakaq, kujtojmë se, procedura e prokurimit që kishte në objekt “Studim Fizibiliteti dhe projekt-ide për lidhjen hekurudhore Durrës-Prishtinë” u hap në sistemin e Agjencisë së Prokurimit Publik në mes të tetorit me një fond limit prej 200 milionë lekë apo rreth 1.7 milionë euro.
“Ndërtimi i linjës hekurudhore (Durrës – Prishtinë) është i një rëndësie të veçantë për Shqipërinë dhe Kosovën pasi do të mundësojë një zhvillim të shpejtë të transportit hekurudhor të udhëtarëve dhe mallrave. Kjo linjë e re hekurudhore do të plotësojë së pari nevojat e transportit të Shqipërisë dhe Kosovës.
Si dhe nevojat e vendeve të Ballkanit Perëndimor dhe më gjerë, duke përfshirë Malin e Zi, Maqedoninë e Veriut, Serbinë, Rumaninë, Bullgarinë dhe vende të tjera që janë gjithashtu të lidhura me Korridorin Hekurudhor X (dhjetë) dhe Korridorin Hekurudhor IV (katër)”, thuhej në termat e referencës për procedurën e shpallur.
Lexo edhe Pikë e re kufitare dhe linjë hekurudhore, ja propozimet e zv.kryeministrit të Maqedonisë së Veriut
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post