Selena Gomez ka rrëfyer së fundmi detaje nga jeta e saj personale, ku nuk ka lënë pa përmendur edhe lidhjet e saj të dashurisë.
Në një intervistë për “Vogue Australia”, ylli i muzikës preferoi të mos jepte emra lidhur me historitë e saj të dashurisë, por është shprehur se asnjëherë nuk është ndjerë e barabartë me partnerët.
“Mendoj se shumica e lidhjeve të mia kanë qenë të mallkuara. Kam qenë shumë e re për t’u ekspozuar ndaj gjërave të caktuara kur isha në një marrëdhënie. Kurrë nuk jam ndjerë e barabartë me partnerët e mi”, ka thënë Selena.
Lidhjet më të bujshme të Selenës kanë qenë ato me Justin Bieber dhe The Weeknd.
