Gjermania dhe Italia na kanë dhuruar sonte një ndeshje spektakolare që do të mbahet mend gjatë, e luajtur në “Signal Iduna Park” në Dortmund, e vlefshme për çerekfinalet e Ligës së Kombeve.
Përsa i përket ndeshjes, në minutën e 29-të Alessandro Buongiorno shkakton një ndërhyrje të gabuar brenda zonës ndaj Tim Kleindienst, arbitri akordon penallti.
Topin e merr kapiteni Joshua Kimmich, me një qetësi karaktersitike tregohet shumë i saktë përballë Donnarumma-s dhe dërgon topin në rrjetë. 5 minuta më vonë, gjermanët dyfishojnë shifrat me Musiala.
Kimmich ekzekuton një goditje të shpejtë këndi, Musiala i lënë në vetëm në zonë dërgon topin në rrjetë, duke përfituar nga një mungesë vëmendje e Donnarumma-s dhe mbrojtësve italianë. Në fund të pjesës së parë, Gjermania shënon edhe golin e tretë ndaj Italisë me Kleindienst, pas krosimit nga këndi nga Joshua Kimmich.
Në pjesën e dytë, Italia reagoi duke shënuar dy herë me Moise Kean në minutat 49′ dhe 69′. Në minutën e fundit shtesë, Italia barazon shifrat 3-3 me penalltinë e ekzekutuar saktë nga Raspadori, e fituar pas prekjes së topit me dorë nga Kimmich.
Ndeshja mbyllet përfundimisht 3-3, Gjermania kalon në gjysmëfinale me rezultatin e përgjithshëm në të dy sfidat 5-4 dhe aty ku e pret fituesi i çiftit Portugali-Danimarkë.SHIKOGOLAT
Në Lisbonë, Portugalia ka fituar 3-2 ndaj Danimarkës. Portugezët patën shansin e artë të kalonin në avantazh që në minutat e para të ndeshjes, por Cristiano Ronaldo gaboi nga pika e bardhë e penalltisë.
Në minutën e 37-të, Bruno Fernandes kroson në zonë nga goditja e këndit dhe në mënyrë krejt të habitshme mbrojtësi danez Joachim Andersen, në vend ta largojë topin nga zona, e dërgon me kokë në portën e tij. Danezët e nisin më mirë pjesën e dytë, Eriksen kroson nga goditja e këndit, Kristensen dërgon topin me kokë në rrjetë duke barazuar shifrat në minutën e 55-të. Në minutën e 72-të, Portugalia kalon sërish në avantazh, Bruno Fernandes godet shtyllën, Cristiano Ronaldo gjendej aty pranë dhe dërgon topin në rrjetë. Në minutën e 75-të, Eriksen barazon shifrat 2-2 pas asistit të marrë nga Dorgu pas një kundërsulmi. Portugalia nuk dorëzohet dhe gjen golin e tretë në minutën e 86-të me Trincao. Ndeshja mbyllet 3-2 dhe shkon në shtesë, pasi Danimarka fitoi ndeshjen e parë 1-0. SHIKOGOLAT
Edhe dy ndeshjet e tjera Francë-Kroaci dhe Spanjë-Holandë shkojnë në shtesë, pasi kemi të njëjtin rezultat si në ndeshjet e para. Franca fitoi sot 2-0 ndaj Kroacisë, ndërsa Spanja dhe Holanda barazuan sërish 2-2.
Discussion about this post