Liga e Konferencës/ Fiorentina shpartallon Lask 7:0, mbrojtësi shqiptar i jep fitoren Luganos kundër Legias (VIDEO)

Janë mbyllur nëntë ndeshje të vlefshme për raundin e pestë të Ligës së Konferencës, që nisën në orën 18:45.

Fitore korri Bashakshehir, Dinamo Minsk, Kopenhagen, Lugano, APOEL, Cercle Bruzh, Betis dhe Fiorentina. Këto të fundit dhuruan spektakël duke fituar 7-0.

Me humbje u larguan nga kjo javë Heidenheim, Larne, Harts, LASK, Legia, Noah, Olimpija Ljubjana dhe Petrokub. Te këto skuadra luajtën si titullar Çinari për Noah, Çelhaka te Legia dhe Valon Berisha te LASK.

Një gol shqiptar u shënua, pikërisht nga Albian Hajdari. Mbrojtësi shqiptar me golin e tij i dha fitoren Luganos në transfertën e Legias. Takimi mes Helsinkit dhe Moldes ishte i vetmi që u mbyll barazim.

Spikati Fiorentina e cila mposhti me rezultatin 7 me 0 skuadrën e LASK ku luajti nga minuta e parë Valon Berisha.

Një fitore e madhe kjo për klubin e Seria A në Ligën e Konferencës, pasi asnjëherë më parë nuk ia kishte dalë të shënonte kaq gola në Europë gjatë një takimi të vetëm.

Tri gola u shënuan në pjesën e parë dhe katër të tjerë në të dytën. Duhet thënë dhe se para goleadës, Fiorentina shënoi një tjetër gol që u anulua për prekje të topit me dorë.

Katër fitore dhe vetëm një humbje ka Fiorentina në pesë raundet e para të Ligës së Konferencës.

REZULTATET PËRFUNDIMTARE

Bashakshehir 3–1 Heidenheim

6′ Turuc, 18′ Krespo, 68′ Piatek – 61′ Honsak

Dinamo Minsk 2–0 Larne

67′ Gavriloviç, 73′ Zherdev

Kopenhagen 2–0 Harts

48′ Çiaka, 78′ Diks

Fiorentina 7–0 LASK

10′, 58′ Sotil, 22′ Ikone, 39′ Riçardson, 69′ Mandragora, 82′(ag) Stojkoviç, 85′ Gudmunson

Goli i Sotil: (VIDEO)

Goli i Ikone: (VIDEO)

Goli i Riçardson: (VIDEO)

Goli i dytë i Sotil: (VIDEO)

Goli i Mandragoras: (VIDEO)

HJK 2–2 Molde

32′ Ervin, 90+2′ Meriluoto – 14′, 27′ Ihler

Legia 1–2 Lugano

11′ Morishita – 40′ Botani, 74′ Hajdari

Goli i Albian Hajdarit: (VIDEO)

Noah 1–3 APOEL

45+4′ Mateus – 23′ Çebake, 89′ Kostandinov, 90+3′ Abanja

Olimpija Ljubljana 1–4 Cercle Bruzh

5′ Blanko – 2′ Olaigbe, 24′ Felipe Augusto, , 72′ Denkej, 81′ Olaigbe

Petrokub 0–1 Betis

54′ Bakambu

Goli i Bakambu: (VIDEO)

gijotina.com/