Fiorentina dhe Betisi do të përballen me njëra-tjetrën në gjysmëfinalet e Ligës së Konferencës. Të dy skuadrat kanë siguruar sot biletën pasi kanë mbyllur në barazim sfidat e kthimit të çerekfinaleve të turneut.
Italianët kishin fituar 2-1 sfidën e parë në Slloveni ndaj Çelje dhe u duk se do ta kishin të lehtë në shtëpi pasi kaluan në avantazh me Mandragora.
Por Çelje përmbysi gjithçka në pjesën e dytë duke vënë në diskutim kualifikimin. Një gol i Ken gjithsesi ktheu përsëri buzëqeshjen te italianët, të cilët barazuan 2-2 dhe vazhduan më tej.
Betisi ndërkohë kaloi me barazimin 1-1 në transfertë ndaj Jagiellonias, që i mjaftoi spanjollëve të cilët kishin fituar 2-0 sfidën e parë, për të siguruar turin tjetër të turneut, ku do të ndeshen pikërisht me Fiorentinën.
Discussion about this post