Ministrja e Punës e Spanjës, Yolanda Diaz, ka propozuar një skemë për të trajtuar pabarazinë sociale duke i dhënë çdo të riu në vend 20 000 euro për t’i shpenzuar për studime, trajnime ose hapjen e një biznesi pasi të mbushë moshën 18-vjeçare.
Nisma do të kushtojë 10 miliardë euro, të cilat do të mblidhen duke taksuar të pasurit.
Ajo tha se qëllimi është të garantohet “barazia e mundësive” pavarësisht nga prejardhja familjare ose të ardhurat e njerëzve.
Pagesat, të cilat do të fillojnë në moshën 18-vjeçare dhe do të vazhdojnë deri në moshën 23-vjeçare do të shoqërohen edhe me mbështetje administrative.
“Ka të bëjë me mundësinë që të rinjve t’u jepet një e ardhme dhe mundësi të studiojnë ose fillojnë një biznes pa qenë të varur nga mbiemri apo familja nga vijnë,”-tha Diaz.
Discussion about this post