UEFA ka nxjerrë sot një peticion për ta futur në fuqi ligjin e ri mbi goditjet në kokë në nivel klubi dhe kombëtareje, vetëm për të mbrojtur më shumë lojtarët nga lëndimet serioze.
Qeveria e futbollit evropian ka informuar klubet dhe kombëtaret që ta nënshkruajnë këtë peticion, në të cilin përfshihen të gjitha procedurat që duhet ndjekur në raste të lëndimeve në kokë.
Kjo do të bëjë që të përfshihen kontrolle 3-minutëshe nga stafi mjekësorë pas lëndimit në kokë, ku nga rezultati i saj do të vendoset nëse lojtarit do t’i lejohet që të vazhdojë të luajë apo jo.
Më tej UEFA ka bërë të ditur se dëshiron që të ketë edhe video rishikimi të lëndimit nga stafi mjekësorë për të pasur sa më shumë informacione mbi rastin që kanë të bëjnë.
“Tronditja në kokë është një lëndim serioz i cili duhet të menaxhohet dhe të trajtohet në mënyrën më të mirë. Shëndeti dhe siguria e çdo lojtari që merr pjesë në nivel klubi dhe kombëtareje është pjesë serioze për UEFA, por gjithashtu në asociacionet e tjera përgjatë kontinentit”,- shkruhet komunikatën e UEFA-s.
Ky ligj do të vihet për të mbrojtur shëndetin e lojtarëve, që të mos kenë dëmtime serioze.
“Edhe pse studimet tregojnë një numër të vogël incidentesh në futboll, të gjithë duhet ta dinë si të reagojnë dhe çfarë të bëjnë në raste tronditjesh në kokë. Duke e nënshkruar këtë peticion, klubet dhe kombëtaret do të demonstrojnë përkrahjen e tyre drejt aktiviteteve mbi tronditje të kokës nga UEFA, dhe të marrin një hap para drejt mbrojtjes së lojtarëve të tyre”,- shtoi më tej UEFA.
Peticioni në fjalë vjen si vendim Bordit të Asociacioneve të Futbollit Ndërkombëtar (IFAB) për të përfshirë zëvendësimet për lëndime në kokë, gjë që lejon skuadrat që të bëjnë deri në dy zëvendësime më shumë, veçanërisht në të tilla raste./K.T/Gijotina.com
Discussion about this post