Perçes se vendosi një fond të papërfillshëm për pensionistët, qeveria ka vendosur të ndryshojë moshën e daljes në pension, duke rrezikuar edhe më shumë gjendjen financiare të familjeve. Në strategjinë pesë vjeçare, ISSH parashikon se mosha e daljen në pension do të rritet deri në vitin 2026. Sipas këtij dokumenti, mosha e daljes në pension për gratë në 2022-ën do të jetë 61 vjeç e 4 muaj, ndërsa në 2023 do të jetë 61 vjeç e 6 muaj. Ndërkohë, burrat duhet të kenë mbushur moshën 65 vjeç në mënyrë që të përfitojnë pagesën e pensionit të pleqërisë. Ndryshimet do të vazhdojnë çdo vit me një muaj rritje, duke bërë që 2056 mosha e daljes në pension të bëhet 67 vjeç.
Kjo do të thotë që, pensionistët do ta gëzojnë më pak marrjen e kësaj pagese, pasi do ju duhet më shumë kohë që të fillojnë të marrin para për kategorinë ku përfshihen. Në bazë të reformës së vitit 2014-të, masa e përllogaritjes së pensionit varet nga vitet e punës dhe paga, pra pensioni është produkt i viteve të sigurimit dhe pagës mbi të cilin janë paguar kontributet. Sa më shumë vite të ketë aplikanti dhe sa më e lartë të ketë qenë paga e tij, aq më e lartë do të jetë masa e përfitimit.
Kjo do të thotë që, një person i cili del në pension mund të marrë pak më shumë se pensionistët sot, ama atij i duhet më shumë kohë për të arritur atë pagesë, duke marrë parasysh këtu se me një vit shtesë që rritet mosha e daljes në pension, kontributet e derdhura janë minimale. Ky nuk është aspak lajm i mirë po të marrim parasysh që kur i afrohen të 60 , qytetarët shqiptarë e kanë shumë të vështirë të gjejnë një vend pune.
Discussion about this post