Lulzim Basha ka akuzuar qeverinë e kryeministrit Edi Rama se me ligjin e miratuar të enjten në parlament për shkëmbimin e pronave publike, synon vjedhjen e tyre.
Në një konferencë për shtyp të premten, Basha tha se “akt i rëndë i formalizuar dje në Kuvend për kalimin e pronave publike në funksion të një skeme të mirëkonsoliduar të qeverisë me mafian e pronave dhe investitorët strategjik, një grup oligarkës shqiptarë”. “Është e njëjta skemë si inceneratorët. Është vjedhje me ligj”. shtoi ai.
Sipas tij, “kjo maskohet me interesin publik por nuk ka asnjë lidhje me të”.
Ai tha se Departamenti Anti-korrupsion në partinë e tij e ka vendosur këtë çështje në listën e prioriteteve që do të ndjekë. “Miratimi i djeshëm, njëlloj si i Amnistisë, nxjerr zbuluar se Rama dhe qeveria nuk janë në gjendje të formulojnë asgjë që nuk është e korruptusar. Vijojnë edhe në muajt e fundit të mandatit të tjetërsojnë pasuritë publike”, tha Basha, i cili paralajmëroi depozitimin e ligjit në Kushtetuese.
Discussion about this post