Në një takim me pedagogët, ish-Kryeministri Sali Berisha tha se në vitin 2005 kishte 12 studentë për 1000 banorë, shumë larg mesatares së vendeve të BE. Ai u shpreh se u bë një përpjekje e madhe për ta vendosur shkollimin dhe arsimin në epiqendër të shoqërisë dhe ekzekutivit. Berisha akuzoi Qeverinë Rama se ndëshkoi arsimin, duke shtuar se ligji i arsimit të lartë ishte një sponsorizim mafioz i Henri Çilit te Edi Rama.
“I ka bërë vendit një dëm të pallogaritshëm dhe këtë e bëri duke korruptuar atë që i pranoi ligjin. Fatkeqësisht edhe opozita shqiptare për të njëjtat arsye nuk e kundërshtoi atë me forcë. Çfarë bëri ky ligj? Ndëshkoi të varfrit në aspektin e arsimimit” – tha Berisha.
Sipas Berishës, me këtë ligj është marrë dy vite me gjithë pasionin e një ish-pedagogu dhe konstatova se ai nuk mund të aplikohej ashtu siç ishte.
“Ligji u shndërrua në një shpatë për të përjashtuar me mijëra të rinj nga mundësia për të vijuar Universitetet” – tha Berisha.
Discussion about this post