Kryeministri Edi Rama mbajti fjalim në parlament, ku foli për hapjen e dosjeve. Ai tha se në këtë diskutim, parlamentin e solli shtetasi I.M. Me ironi, Rama tha se shpreson që shtetasi I.M të mos jetë ai mendojnë të gjithë.
Rama: Ai lustracioni nuk është asgjë tjetër veçse një truk për të mos i hapur kurrë dosjet, është një akt barbarie që është rrëzuar kohë përpara se ta tentonte pjella antikomuniste e komunizmit, domethënë Partia e lavdishme Demokratike nga Gjykata e të drejtave të njeriut, është njësoj si klithmat për të mbrojtur Evropën, shoqëruar me thikën për Kosovën ku votoi rezolutën për hapjen e dosjeve, dorë për dore me rusët. Ku janë sot këta? Mbase e mësojnë se si funksionon mekanizmi, ku e keni non-gratan, pse nuk vjen të votojë këtu dhe tu hapë rrugë hapjes së dosjeve që janë dosje personash me rëndësi që nuk hapen dot sepse siç thotë Autoriteti i Dosjeve që nuk e krijoi PD, por PS, se kjo është ironia e At Zef Pllumit, i mbani mbyllur dosjet ju. Ne i hapëm që në 2015, ka vetëm një kategori dosjesh, të një kategorie personash të rëndësishëm që kanë ceritfikatë sigurie. Për këta kemi ardhur ne se s’kemi ardhur të hapim dosjet. Do ta dish se kush është I.M., se mbase është ai, mbase nuk është ai mo…
Të hapet gjithë kjo kategori dosjesh dhe të lehtësohen të gjithë. Ku ta gjejmë të marrin një përgjigje lehtësuese dhe jo të mësojmë që shtetasin I.M., e paskemi pasur 30 vjet vërdallë. Ka ngel ndonjë vend pa qenë ai? Larg qoftë të jetë ai…larg qoftë, është shumë e thjeshtë, kot e komplikojmë, është shumë e thjeshtë për ta parë se kush është kush në këtë teatër të madh. Të gjithë kanë marrë arratinë, sepse sa dëgjojnë fjalën hapje dosjesh, nuk e kanë të mundur ta përballojnë fare, fare po fare.
Discussion about this post