Prokuroria e Lezhës ka vendosur mos fillimin e hetimeve ndaj kryebashkiakut Pjerin Ndreu dhe një biznesmeni të cilët në muajin qershor të këtij viti u kallëzuan penalisht nga dy efektiv policie për kundërshtim të forcave policore dhe dhunë ndaj tyre.
Pas verifikimeve të kryera, organi i akuzës ka dalë në konkluzionin se nuk ka element të veprës penalë, ndaj dhe vendosi mosfillimin e procedimit penal ndaj kryebashkiakut të Lezhës dhe biznesmenit që bashkëpunonte me të. Vetë Ndreu ka pranuar se është përplasur me efektivët, por prokuroria po i del në mbrojtje.
Kujtojmë se, Ndreu bashkë me pronarin e një lokali ku po darkonte u kallëzuan penalisht në prokurori, pasi po festonin në orët e vona të 24 qershorit në një lokal në Shëngjin me muzikë të lartë. Sipas deklarimeve të punonjësve të policisë në Prokurorinë e Lezhës, pronari i lokalit, i është përgjigjur me ofendime kërkesës së tyre për të fikur muzikën, ndërsa kryebashkiaku Ndreu i ka penguar me forcë që të shoqëronin në polici pronarin e lokalit. Madje Ndreu i ka thënë se nuk pyet fare për ta pasi ligjin e bën ai.
Discussion about this post