Gjykata Themelore në Ferizaj të Kosovës, ka pranuar kërkesën e Prokurorisë Themelore të Ferizajt, për caktimin e masës së paraburgimit kundra të pandehurve R.P. dhe B.P. shtetas të Republikës së Kosovës, për shkak të dyshimit të bazuar se kanë kryer secili veç e veç veprën penale sulm seksual.
Pas seancës dëgjimore dhe analizimit të dokumentave të lëndës, gjyqtari i caktuar për procedurën paraprake të Departamentit për Krime të Rënda, ka vlerësuar se ekziston dyshimi i bazuar mirë, se të pandehurit R.P. dhe B.P., më 29 mars 2022 në Kaçanik dhe gjatë rrugës për në Prizren, kanë keqpërdorur seksualisht të dëmtuarën, e mitur 13 vjeçare.
Gjithashtu gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurve e ka aprovuar si të bazuar konform dispozitave të KPPRK-së dhe të njëjtëve ju është caktuar masa e paraburgimit në kohëzgjatje prej një muaj.
Me këtë rast, palët njoftohen se ankesa kundër këtij aktvendimi nuk e shtynë ekzekutimin e tij.
Discussion about this post