“Arrest me Burg” për dy punonjësit e burgut të Reçit Arnaldo Hoxha dhe Mario Laloshi.
Mario Laloshi është djali i ish prokurorit të Shkodrës, Frederik Laloshi, i cili ka shërbyer për shumë vite në këtë pozicion, ndërkohë djali i tij është arrestuar për korrupsion në burgun e Reçit.
Masa e sigurisë u dha nga gjykata e shkallës së parë në Shkodër. Dy punonjësit me detyrë specialist psikologe akuzohen për korrupsion, pasi u shfaqën në një video në një emision investigativ, duke marrë ryshfet per një të burgosur për ti zëvendesuar kohën e mbetur të dënimit me arrest shtëpie ose shërbim prove.
Avokati mbrojtës kërkoi detyrim paraqitje për këta shtetas, por gjykata vendosi “Arrest me Burg”.
Fillimisht Ministri i Drejtesisë pas videos së shfaqur urdhëroi shkarkimin e dy punonjësve nga detyra, ndërsa më pas Sherbimi i Kontrollit të Brendshëm në sistemin e burgjeve bëri arrestimin e tyre.
