Gjykata e Tiranës ka caktuar masën e sigurisë arrest me burg për Albano Velon i akuzuar si organizator i vrasjes se Edmond Papës 3 javë më parë në Tiranë.
Mësohet se para gjykatës, Velo ka mohuar akuzat për përfshirje në vrasjen e 49-vjeçarit Papa.
Albano Velo, 30 vjeç akuzohet si vëzhgues dhe organizatori i ngjarjes së rëndë dhe është arrestuar nga policia e Tiranës për vrasjen e 49-vjeçarit nga Fieri por me banim në Sarandë.
Ai rezulton shok i Aleksandër Sadikajt, që u vra me eksploziv të telekomanduar 7 muaj më parë.
Policia ka shpallur në kërkim edhe një 44 vjeçar si bashkëpunëtor në vrasje, i cili dyshohet të ketë pasur rolin e ekzekutorit.
Edmond Papa u vra me armë zjarri pasditen e 16 dhjetorit në rrugën “Fadil Bodinaku” në Tiranë, në lokalin në pronësi të shtetasit V. Sh.
Mësohet se viktima ka qenë i dënuar më parë në Greqi për drogë, por ende asgjë nuk është konfirmuar nga policia.
Discussion about this post