Një person i panjohur apo edhe më shumë kanë lënë mbrëmë një kokë derri në hyrje të xhamisë në Graz të Austrisë.
Xhamia funksionon në kuadër të unionit turko-islamik austriak për Kulturë dhe Ndihmë Sociale (ATIB).
“Dënojmë ashpër këtë sulm. Respekti për objektet e kultit, ndjenjat fetare dhe institucionet janë ndër segmentet e nevojshme të gjitha shoqërive moderne”, tha ATIB.
Ambasadori turk në Vjenë, Ozan Ceyhun, në një deklaratë dhënë për Anadolu Agency ka dënuar sulmin, që kishte për qëllim siç tha ai provokimin. Ceyhun shtoi se pret rezultate pas kryerjes së hetimeve nga ana e policisë austriake.
Umit Vural, kreu i komunitetit të myslimanëve në Austri (IGGO) që përfaqëson myslimanët që jetojnë në Austri, ka thënë se po përcjellin me kujdes sulmin në xhami dhe se janë në kontakt të vazhdueshëm me autoritetet lokale.
“Për fat të keq, xhamitë tona janë cak i sulmeve prej vitesh në Graz. Këto çështje duhen kuptuar me shumë seriozitet. Dënojmë këtë sulm”, shtoi Vural.
Discussion about this post