Lind Islami dhe Venera Lumani publikojnë fotografitë e dasmës

Çifti i njohur i këngëtarëve, Lind Islami dhe Venera Lumani, kanë kurorëzuar dashurinë e tyre me martesë.

Një ditë pas dasmës, Lindi dhe Venera kanë ndarë me ndjekësit e tyre në rrjetet sociale disa fotografi nga ky eveniment tepër i rëndësishëm dhe i paharruar për çiftin e ri.

Ata mund të shihen shumë elegant si nuse dhe dhëndër, me Venerën e cila shkëlqente në vellon e bardhë të nusërisë.

“Përgjithmonë Venera dhe Lind, 07.10.2023”, shkroi këngëtari nga Peja në mbishkrimin e fotografive.

Çifti përndryshe janë njohur me njëri-tjetrin në vitin 2012, në prapaskenat e “The Voice of Albania 2”, ku Venera u shpall fituese e atij edicioni.