Kamerat e instaluara nga bizneset, institucionet publike, në ambientet e tyre të jashtme do të regjistrohen në një sistem elektronik që do t’i japë mundësi Policisë së Shtetit të aksesojë në një kohë më të shpejtë informacionin në rast se raportohet për një ngjarje të ndodhur diku. Nuk e dimë pse deri më tani policia nuk e ka pasur këtë akses, por drejtoresha e AKSHI-t Linda Karçanaj u kujtua tani të bëj miliona lekë shpenzime për këtë shërbim të ri.
Tenderi mban numrin e referencës REF-38290-08-10-2022 dhe ka si objekt “Sistemi i hartës digjitale për hapësirat publike të mbuluara me kamera sigurie në rang vendi për Drejtorinë e Përgjithshme të Policisë së Shtetit”.
Fondi limit është 99,965,600 lekë të reja pa TVSH ose rreth 1.2 miliardë lekë të vjetra me TVSH. Vihet re se kemi të bëjmë me një konkurrencë të cunguar pasi në tender kanë marrë pjesë vetëm dy garues. Fituese është shpallur firma FASTECH me ofertë 91,968,343 lekë të reja pa TVSH ose rreth 1.1 miliardë lekë të vjetra me TVSH. Më konkretisht oferta fituese rezulton të jetë sa 92% e fondit limit, duke ngritur dyshime se kemi të bëjmë me një fitues të paracaktuar. Ndërsa ligji kërkon që ofertat të jenë në përqindje më të ulët në raport me fondin limit.
Veç kësaj, kompania fituese “FASTECH” është e njohur për tenderët pa garë që ka fituar nga qeveria Rama. Kjo kompani numëron disa tenderë nga Ministria e Mbrojtjes, Ministria e Shëndetësisë, Bashkia e Tiranës dhe AKSHI. Për më tepër janë hedhur akuza në media dhe nga opozita se kjo kompani është e Ilir Beqajt, pasi pretendohet të jetë degëzim i firmës “In-tech”, themeluar nga ish-ministri i Shëndetësisë.
Në pjesën më të madhe te tenderëve kjo firmë merr pjesë si bashkim operatorësh me “In-Tech”. Ne këto raste Fastech është thjeshtë një mbulesë për paratë që merr kompania e Beqajt.
Kështu Linda e AKSHI-it po shpenzon thasë me para për kontrata korruptive, ndërsa iranianët hyjnë pa problem në sistemin e qeverisë.
Discussion about this post