Lindita Nikolla zgjidhet kryeparlamentare me 79 vota pro, 137 deputetë morën pjesë. Nuk votuan Berisha, Shehi e Duka, LSI kundër.
Lindita Nikolla është zgjedhur kryeparlamentare me 79 vota pro, duke pasuar në këtë detyrë Gramoz Ruçin. 137 deputetë kanë marrë pjesë në votimin pasditen e sotme për kryetaren e parlamentit Lindita Nikolla.
Nuk morën pjesë dhe nuk votuan deputetët Sali Berisha, Dashamir Shehi dhe Agron Duka. Nga 83 fletë votimi të vlefshme, komisioni i ngritur numëroi 79 vota pro dhe 4 kundër.
Votat kundër janë të deputetëve të LSI. Kjo gjë u konfirmua dhe nga nënkryetari i LSI, Petrit Vasili.
Ndërkohë, Lindita Nikolla ka mbajtur fjalën pasi u zgjodh kryetare e Kuvendit. Ndërkohë që opozita u largua nga salla sapo nisi fjalën, Nikolla iu drejtua me një mesazh edhe këtyre të fundit.
Kryetarja e re e Kuvendit theksoi se pakica dhe shumica do të jenë vetëm shifra për të, ndërsa shtoi se maxhoranca nuk duhet të sillet si triumfatore dhe opozitarët të mos ndihen humbës. Nikolla vlerësoi rolin e rëndësishëm të opozitës në një shtet demokratik dhe premtoi se do të jetë në anën e tyre sa herë ta kërkojë e drejta.
