Mbrëmjen e djeshme, në përballjen ndaj Real Madrid, Messi humbi penalltinë, me goditjen e tij që u prit nga Thibaut Courtois. Por ai gjithashtu ka arritur rekordin që nuk do të dëshironte. Messi ka barazuar rekordin e Thierry Henry për më shumë penallti të humbura në historinë e Champions League.
Në 23 tentativa në penalltitë në Champions, ai ka humbur 5 prej tyre. Ylli argjentinas me goditjen e penalltisë ka kaluar edhe kundërshtarin e tij, Cristiano Ronaldo, për më shumë goditje, pasi portugezi ka goditur 22 herë nga pika e bardhë.
Në La Liga, Messi humbi 14 penallti në 74 tentativa, ndërsa rekordi i tij në Kupën e Mbretit ishte tronditës, duke qenë se humbi gjithsej gjashtë penallti nga nëntë goditje, duke shënuar vetëm tri herë në total.
Discussion about this post