Olimpik Lioni ia doli të triumfojë me rezultatin 3-1 ndaj AS Monaco, duke shuar, në këtë mënyrë, shpresat e klubit nga Principata për një vend në Champions League.
Skuadra e drejtuar nga legjenda e Francës, Laurent Blanc ia doli të triumfojë me përmbysje, pasi e pa veten në disavantazh që në minutën e dytë, kur Monaco shënoi me anë të Ben Yadder (penallti).
Vendasit rikthyen baraspeshën në minutën e 38’ me anë të sulmuesit dhe liderit të ekipit, Aleksander Lacazette, ndërsa në pjesën e dytë shënuan edhe dy herë të tjera me anë të Caqueret dhe Cherki, duke vulosur suksesin.
Me këtë sukses, Lioni i Blanc mban gjallë shpresat për të zënë vendin e pestë, që përkthehet në pjesëmarrje në UEFA Europa Conference League sezonin e ardhshëm.
Discussion about this post