Liqeni i Komanit, është një nder ato bukuri natyrore shqiptare qe te mrekullon me pamjen e tij. Rreth 42 kilometër i gjatë liqeni i Komanit rrethohet nga male te thepisura. Aty mund te udhëtohet me varke ose traget, ndërsa rruga që përshkon të mbetet gjate ne mendje. Bimësia rrëze maleve bën që uji i liqenit të marrë ngjyrën jeshile, çka i shton më tepër bukuritë këtij vendi në veri të Shqipërisë.
Liqeni i Komanit ndodhet 30 km larg qytetit të Shkodrës, është formuar nga ujëmbledhësi i lumit Drin, ku është ngritur Hidrocentrali i Komanit. Vitet e fundit kane qene te shumte turistet të cilët vizitonin këtë zonë, ndërsa e para ndalesë me varkat turistike është tek Lumi i Shalës, një tjetër mrekulli e natyrës shqiptare. “Unë vij nga Italia. Bëra një shëtitje me traget ne liqen, këtu është një vend shume i bukur. Këtu njerëzit janë shume miqësor dhe te sjellshëm. Ushqimi është shume i mirë këtu, çdo gjë është bio.”, tha një vizitor.
Terreni i vështirë dhe mospasja e një rruge për automjetet i kufizon edhe investitorët. Kreu i bashkisë së Fushë-Arrëzit, Fran Tuci thotë se së shpejti do investohet në infrastrukture për këtë zonë.
Peizazhi i egër është disi i ngjashëm me fjordet norvegjeze dhe të ofron një pamje që nuk mund ta gjesh askund tjetër në vendin tonë. Kjo rruge është kthyer në një atraksion mbresëlënës turistik. Itinerari ujor Koman-Fierzë është një shëtitje e mrekullueshme, një përvojë unike dhe e rrallë që sjell relaks dhe kënaqësi të papërshkruar.
