Pogradeci do të luajë këtë të shtunë në transfertë përballë Teutës, në ndeshjen e vlefshme për “play-out” e elitës së futbollit në Shqipëri, “Abissnet Superiore”. Sfida që do të zhvillohet në stadiumin “Niko Dovana”, do të nisë në orën 16:00.
Ndërkohë që tek liqenorët, vazhdon puna e palodhur, duke mos humbur asnjë minutë. Në rast fitoreje, skuadra e drejtuar nga Emiljano Çela, sezonin e ardhshëm do të militonte në “Abissnet Superiore”, mes 10 ekipeve më të mira në vend.
“Mirëmëngjes! Vijojnë seancat stërvitore me fokus dhe përkushtim maksimal për të arritur rezultatin e dëshiruar në ndeshjen e “Play-Out” me KF Teuta. Ndeshja luhet më 16 maj”, shkruan klubi liqenor, krah fotove nga stërvitja.
Discussion about this post