Qëndresa Qytetare i është bashkuar qëndrimeve kundër shkrirjes së Akademisë së Studimeve Albanologjike, duke e cilësuar vendimin e Qeverisë një precedent të rëndë që rrezikon lirinë akademike.
Përmes një deklarate thuhet se nëse do të lejohet mbyllja e Akademisë, në Shqipëri vihet në rrezik liria politike, kërkimi shkencor dhe liria akademike.
Reagimi nga Qëndresa Qytetare
Akademia e Studimeve Albanalogjike sot mban statusin e Universitetit, ka Bord Administrimi, Senat, studente doktorate. Eshte institucioni me i rendesishem ne ruajtjen e identitetit, historise dhe gjuhes shqipe.
VKM për shkrirjen e saj me Akademinë e Shkencave është e paligjshme, e pakonsultuar dhe pa vullnetin e Senatit Akademik të ASA, sic e parashikon neni 30, pika 4 e ligjit per Arsimjn e Larte.
Mbyllja e ASA me nje VKM me 4 pika, i hap rrugen nje precedenti te frikshem, ku Qeveria apo Ministria e Arsimit mund te shkrije dhe shuaje se ekzistuari cdo Universitet Publik ne vend, pa deshiren dhe vullnetin e tyre.
Mbyllja e ASA kerkon te nenshtroje trupen me te larte akademike qe i kane dhene vendit kontribut te larte ne ruajtjen e historise, arkeologjise dhe gjuhes shqipe nen drejtimin e nje trupe te perbere nga Akademike te ardhur nga politika dhe sistemi komunist.
Nese Rektoret, Lektoret, dhe Studentet do te lejojne mbylljen e Akademise se Identitetit shqiptar me vendim arbitrat nga Ministrja Evis Kushi, do te jete nje dite zie per lirine akademike, lirine politike dhe kerkimin shkencor ne vend.
Discussion about this post