Liria e medias në nivelin më të ulët historik, Rama: Çfarë gënjeshtre

Kryeministri Edi Rama e ka konsideruar si gënjeshtër raportin e organizatës “Gazetarë pa kufi” për lirinë e shtypit,  sipas të cilit, Shqipëria kishte pësuar një rënie prej 20 vendesh krahasuan me vitin paraprak kur renditej ne vendin e 83-të.

Në reagimin e tij, Rama nënkupton se në Shqipëri gazetarët kanë liri të plotë në raportimet e tyre, ndërsa ironizon gjetjen e raportit, ndonëse qeveria e tij është fajtori kryesor që në media raportohet propagandë më shumë se sa fakte.

“Në Shqipëri s’ka as media të intimiduar, as gazetarë të penguar në lirinë e tyre. Madje në Shqipëri ka gjithnjë e më shumë viktima të shpifjeve, gënjeshtrave e lajmeve të rreme! Flitet për gjyqe me gazetarë, kur në fakt s’ka! Flitet për ligjin antishpifje kur në fakt s’ekziston! Gazetarët viktima të dhunës policore në Shqipëri? Çfarë gënjeshtre! Gazetarët kritikë ndaj qeverisë përballen me sulme politike? Çfarë fantazie! Vetërregullim etik në median shqiptare? Çfarë talljeje! Vetëm titulli mungon: Ankesa për mungesën e lirisë ngaqë s’dimë ç’të bëjmë me lirinë”, shkruan Rama.