Presidenti i Republikës së Shqipërisë, Bajram Begaj, ka reaguar pas protestës së zhvilluar sot në sheshin “Skënderbej” në Tiranë, në mbështetje të krerëve të Ushtrisë Çlirimtare të Kosovës, që ndodhen në paraburgim në Hagë.
Në një deklaratë publike, Presidenti Begaj thekson rëndësinë historike të UÇK-së dhe rolin e saj në çlirimin e Kosovës, duke nënvizuar se asgjë nuk mund ta zhbëjë kontributin e saj në historinë kombëtare.
“UÇK-ja është themeli i lirisë së Kosovës. Ajo është krenari e historisë sonë kombëtare. Askush nuk mund të zhbëjë këtë trashëgimi trimërie, sakrifice dhe heroizmi,” – është shprehur kreu i shtetit.
Reagimi i Presidentit vjen në një moment kur mijëra qytetarë nga mbarë trojet shqiptare janë bashkuar në një zë për të kërkuar drejtësi për ish-krerët e UÇK-së, ndërsa në Hagë po zhvillohet procesi ndaj Hashim Thaçit, Kadri Veselit, Rexhep Selimit dhe Jakup Krasniqit.
Protesta u konsiderua një akt i fuqishëm solidariteti mbarëkombëtar, ndërsa reagimi i Presidentit Begaj përforcon qëndrimin institucional të Shqipërisë në mbështetje të luftës për liri dhe drejtësi të Kosovës.
Discussion about this post