Avokati Jordan Daci, në studion e emisionit “Të Paekspozuarit” komentoi lirimin e parakohshëm nga burgu të ish-ministrit të Brendshëm, Saimir Tahiri.
Daci tha se ka pasur raste kur persona, të sëmurë edhe me kancer, kanë humbur jetën në burg dhe nuk janë liruar, edhe pse i është kërkuar GJKKO që të paktën të lejojë të dënuarin të vdesë pranë familjes.
Në këtë kuadër, Daci tha se ka pasur një rast specifik kur mbronte një qytetar, i cili humbi jetën në burg dhe nuk u lirua, edhe pse kishte një gjendje shëndetësore shumë të rënduar.
Lidhur me rastin Tahiri, Daci tha se ai fitoi lirinë për shkak se bashkëshortja e tij nuk mund të kujdesej për fëmijët, pasi vuante nga spodelartroza, dhimbja e qafës ose e kurrizit.
“Nuk dua ta paragjykoj vendimin e Gjykatës së Elbasanit, ndoshta plotëson të gjitha kriteret, por kjo është situata.
E mbani mend Tahirin kur ishte ministër i Brendshëm se çfarë i bënte gjyqtarëve dhe prokurorëve? i bënte gjyqin publik, më pas ai u gjykua dhe u dënua për një vepër tjetër nga ajo që akuzohej. Në rastin e Tahirit ose duhej të dënohej për veprën që u akuzua ose duhej të lirohej”, tha Daci.
Discussion about this post