Lirohen 7 protestuesit e opozitës të arrestuar për bllokimin e rrugëve.
Qytetarët ishin ndaluar nga policia gjatë mosbindjes civile të 23 dhjetorit të organizuar nga Partia Demokratike, ku u bllokua qarkullimi i makinave në 5 nyjet kryesore të kryeqytetit.
Në seancën e sotme, Gjykata e Tiranës caktoi masën e ‘detyrim paraqitje’ për personat e ndaluar, Gëzim Sadikaj, Vlash Gjonaj, Çlirim Koka, Romarjo Bila, Arif Hoxha, Julian Çela dhe Albin Cani, të cilët sipas policisë dhe prokurorisë ishin arrestuar për pengim të qarkullimit dhe kundërshtim te punonjësve të policisë.
Avokatja Adriana Kalaja tha seGjykata e Tiranës i cilësoi të paligjshme ndalimet e protestuesve, duke i kërkuar organit të akuzës, që të dokumentojë nëse ka pasur veprime të dhunshme nga ana e të ndaluarve në protestë dhe kush i nisi këto veprime.
Për avokaten Kalaja, është e shkuar koha, kur protestuesit braktiseshin në dyert e komisariateve dhe të qelive, duke dhënë garancinë se PD do të jetë në krah të tyre, pavarësisht reprezaljes së Policisë, e cila është nën urdhërat politikë të mazhorancës në pushtet.
Discussion about this post