Pas 5 orësh në Policinë e Shkodrës, lirohet drejtori i Ujësjellësit në Shkodër dhe njëkohësisht nënkryetari i Forumit Rinor të Partisë Demokratike, Arvit Bushati.
Në prononcimin e dhënë për mediat pasi doli nga ambientet e policisë, Bushati është shprehur se ky është një sulm i hapur politik që kërkon të intimidojë demokratët e Shkodrës.
“Isha pas orarit zyrtar të punës duke konsumuar kafe me përfaqësues të PD Shkodër, në praninë tonë ishte edhe kryetari i Bashkisë. U përballëm me 2 patrulla policie të cilat vetëm me dixhiturën: urdhër nga shefat na vjen keq duhet të vish me ne. Më shoqëruan nën masa të çuditshme pa më dhënë asnjë shpjegim ekstra.
Në ambientet e policisë pashë hezitimin në fytyrën e tyre për urdhrat që kishin marrë nga drejtuesit politik të policisë së shtetit, pasi e kuptuan që masa dhe forma e ndalimit ishte e pabazuar në procedurë. Ky është sulm, presion që i bëhet përfaqësuesve të PD në Shkodër e gjithë Shqipërinë. Dënoj me forcë qasjen që forcat e rendit kanë me politikën”, tha Bushati.
Ai ka bërë një padi ndaj Policisë së Shkodrës për këtë shoqërim që sipas tij ka qenë i paligjshëm.
Discussion about this post