Kreshnik Faruku, i burgosuri në Spanjë është liruar sot nga qelia, pasi Gjykata e Tiranës ka vendosur që ta lërë atë në masën e sigurisë ‘arrest shtëpie’, ndërkohë që pritej të ekstradohej drejt shtetit italian.
Seanca e zhvilluiar gjatë ditës së sotme ku prokurori kërkoi që për të të caktohej masa ‘arrest me burg’ me afat 40 ditor, deri në ekstradimin drejt Italisë, por gjykata e Tiranës mori një vendim tjetër.
Farruku është lejuar që të qëndrojë në Manzë të Durrësit dhe sipas rregullave nuk mund të largohet nga shtëpia. Çështja ndaj tij është dërguar në Gjykatën e Apelit.
Kreshnik Farruku u kap në Spanjë dhe njihet edhe me emrat Kreshnik Budlla, Besnik Farruku e Sokol Koçi. Ai figuron i dënuar nga Gjykata e Ancona-s me 6 vjet e 8 muaj burgim për akuzën e trafikut të drogës. Farruku ka qenë gjithashtu pjesë e bandës që akuzohet se ka vrarë Devi Kasmin.
