Në protestën që po zhvillojnë para Kuvendit, banorët e katër zonave në Tiranë i kërkojnë qeverisë që të lërë të lirë 5 banorët që arrestoi këtë të martë. Një prej banorëve i ka kërkuar qytetarëve nga i gjithë vendi që të bashkohen me ta, pasi kjo gjë një ditë mund t’u ndodh të gjithëve, duke qenë se kemi në krye një qeveri, e cila shtyp popullin e saj.
“A keni pak ndërgjegje familjare ju? I bëj thirrje qytetarëve, mos u mjaftoni me ato 5 lekë të qelbura që merrni nga rroga juaj. Ka shumë projekte që po të hysh në internet i gjen, sot është radha jonë, nesër është radha juaj, mos kujtoni se do të shpëtoni. Dje ishte shprehja në emër të popullit, sot është shprehja në emër të kryeministrit, të gjithë mund ta keni radhën pas nesh”, u shpreh një banor
Banorët kanë kërkuar reagimin e deputetëve të zonave që preken nga projektet në Tiranë, të cilëve iu kërkojnë muajt e fushatës kur iu kërkonin votat.
Discussion about this post