Kreu i Partisë Demokratike, Lulzim Basha, po mbledh firmat për konfirmimet në Kuvendin e shpallur prej tij më 18 dhjetor. Është shpërndarë kudo formulari, që ka përgatitur Basha për ta shpërndarë kudo, në mënyrë që simpatizantët ta plotësojnë deri në 18 dhjetor.
Mësohet se, plotësimi i formularit ka nisur prej disa ditësh, këtë lajm e ka konfirmuar sot përmes një postimi në rrjetin social Facebook Lisander Hoxha, i cili iu bënë thirrje demokratëve që të kenë kujdes dhe të mos e firmosin këtë formular. “George Soros paska përgatitur një ftesë për antiKuvendin e 11 dhjetorit. Ju lutem, sqaroni demokratët, se ky formular nuk ka asnjë lidhje me ne. Aty firmoset për vulën e Lulit dhe për një PD humbëse. Më 11 dhjetor merr fund kolaterali i Lulit për PPP e Ramës”, shkruan Hoxha.
Kujtojmë se, një javë më parë Basha deklaroi se ai nuk e njeh Kuvendin që do të mbledh Berisha me 11 dhjetor, për këtë arsye ai do të thërras mbledhjen e demokratëve për Kuvendin Kombëtarë të PD me 19 dhjetor, të cilin ai e quan si të vetmin dhe të vërtetin.
Discussion about this post