Lulzim Basha ka hedhur një sërë akuzash ndaj Sali Berishës pak minuta më parë, të cilave iu janë kundërpërgjigjur menjëherë mbështetësit e ish-kryeministrit. Përmes një postimi në Facebook , Lisandër Hoxha shkruan se janë të turpshme kërcënimet e Bashës. Sipas tij, Basha po sillet në mënyrë qesharak, por që nuk ka për të zgjatur edhe shumë.
Hoxha deklaron se pas 11 dhjetorit do të larohen nga PD të gjithë ata që kanë punuar si shërbyes të Bashës për interesa personale. “Ky njeri mobilizon me shume gazetar se ndjekës dhe përsëri kërcënon. Te jete qesharak apo i marrë këtë akoma nuk e kam te qartë. Ajo qe di me siguri është se më 11 Dhjetor do i duken votat tona si “thupra thanash”. Partia Demokratike do të pastrohet nga të gjithë shërbëtorët e kompanisë private që mendojnë se e posedojnë atë. Në demokraci fiton shumica dhe jo burokracia. Këtë do e dëshmojmë me 11 Dhjetor para të gjithë shqiptarëve. Edhe pak ditë, Lul”, shkruan ai. Ndërkohë, akoma nuk ka ardhur një reagim nga Berishës pas akuzave që bëri Basha ndaj tij.
Discussion about this post