Ish-nënkryetari i Forumit Rinor të PD-së, Lisandër Hoxha ka komentuar nismën e këtij forumi pë referendum të brendshëm për çështjen Berisha.
Hoxha tha se Berisha gëzon respekt të madh në anëtarësinë e PD, ndërsa tha se Berisha nuk ka ndërmend që të rikthehet në krye të partisë.
“E përshëndes vendimin e forumit rinor kundër Lulzim Bashës, që barazoi Sali Berishën me Vangjush Dakon. Kjo është absurde, ka krijuar çarje në PD, që mund të sjellin probleme deri në ekzistencën e saj. FRPD ka qënë produktive në gjithë këto vite, dhe i ka bërë presion në momente të caktuara edhe vetë kryetarit Lulzim Basha.
Të rinjtë janë antikonformistë, shumica e tyre duke qenë moshë e re nuk kanë pasur mundësi që të bashkëpunojnë me Sali Berishën, edhe për shkak të moshës së tyre, por ai njeri gëzon respekt të madh në strukturat e partisë.
Basha e shiti Berishën për 30 tendera thonë. Zotëria nuk i ka pranuar akuzat, ka pasur një guxim politik që sot i mungon çdokujt, partia duhet të ishte pyetur nëse duhej hequr apo jo Berisha. Pasojat e kësaj lëvizje do të tregohen në vijim, strukturat e partisë janë të pakënaqura me zotin Basha, dhe do të kërkojnë që çështja e zotit Berisha të hidhet në votim.
Zoti Basha është i mbarurar politikisht, i ka hequr të gjithë zërat kritikë por anëtarësinë nuk e heq dot. Ka futur elementë në grupin parlamentar që nuk i njeh askush veç Bashës, ai i ka bërë atentat vetvetes.
PD e Lulzim Bashës ëhstë kthyer në një patericë të qeverisë, tashmë po shoh shpresë në sytë e demokratëve, që me lëvizjen e Berishës duket se do të marrë fund edhe opozita kamomil”, u shpreh Hoxha.
30 anëtarë të Kryesisë së Forumit Rinor të Partisë Demokratike, firmosën sot kërkesën për referendum të brendshëm mbi çështjen ‘Berisha’, të cilën e depozituan në strukturat më të larta të partisë.
