Anëtari i Këshillit Kombëtar të Partisë Demokratike, Lisandër Hoxha, ka kërkuar mbledhjen urgjente të strukturave të PD-së dhe nisjen e protestave masive kundër qeverisë.
I ftuar në News24, ai deklaroi se vendi ndodhet në një regjim dhe se lufta politike nuk mund të bëhet brenda parlamentit. Sipas Hoxhës, qëndrimi në Kuvend vetëm e dobëson opozitën dhe e shndërron PD-në në një shtojcë të mazhorancës.
Ai akuzoi qeverinë “Rama” për kapje të shtetit dhe përdorim të buxhetit publik në mënyrë klienteliste.
Anëtari i Këshillit Kombëtar të PD-së Lisandër Hoxha: PD është në politikë, për të bërë ofertë politike. Por ne jemi në kushte kur jemi në regjim. Kemi qenë 12 vite në parlament dhe asgjë nuk është bërë. Që nga prilli, në PD nuk janë mbledhur strukturat. Strukturat e Partisë Demokratike duhet të mblidhen. Nuk mund t’ju thuash shqiptarëve që është bërë masakër elektorale dhe sërish të hysh në parlament. Futja në Kuvend të çon në rudhje. PD nuk është vetëm kryetari i partisë, por edhe Këshilli e anëtarët.
Kemi ligjin e koorporateve, që është ligj, që një pronë shtetërore ose private i jepet oligarkut, duke mos përfillur pronën e individit, që është e shenjtë. Del kryeministri dhe shigjeton gjyqtarët. Jemi në diktaturë, nuk ka drejtësi. Ne duhet të dalim nga parlamenti, të përmbysim këtë sistem të Ramës. Në diktaturë nuk ka luftë nga brenda. Të nisim protestat dhe ta përmbysim regjimin. Rama është hajdut zgjedhjesh. Po, qeveria përmbyset dhe me protesta, por duhet të marrësh vendim strategjik dhe përmbyset regjimi, nëse ke grup që iu peshon fjala, kjo arrihet. Kjo parti nuk është PS, është grup i strukturuar kriminal, që buxhetin e përdor sikur i ka paratë e babait. Nëse PD shkon në parlament, bëhet një shtojcë e Rilindjes. Nuk është radikale të bësh protesta se nuk ka pasur zgjedhje të lira, ekstreme është të jetosh në diktaturë.
Ai ka akuzuar zv/kryeministren dhe ministren e Energjisë Belinda Balluku se ka firmosur një marrëveshje për blerjen e 2 anijeve në Bangladesh me një kosto mjaft të lartë qiraje, rreth 75 mln dollar për 2 vite ndërkohë që ata nuk janë vënë në punë.
Hoxha tha se kjo aferë është një vjedhje e hapur e fondeve të buxhetit të shtetit, pasi megjithëse nuk punojnë, për këto dy anije paguhen kontrata mirëmbajtje, konsultime me vlerë 600-700 mijë dollar në vit.
Lisandër Hoxha: Cili njeri pa parti pranon të paguajë një incinerator që nuk ekziston?
Cili njeri me parti e pa parti, pranon që 2 anijet e Belinda Ballukut për të cilat nuk ka guxipm SPAK nuk ka këllqe ta hetojë, se është portofoli i stabilokracisë, i qirasë, nuk shkojnë ti vënë prangat [ër dy anijet e Bangladeshit që I ka marrë kompania mëmë me 15 mln dollar në Bangladesh \ja ka dhënë shtetit shqiptar me 75 mln dollar qira për 2 vite të cilat nuk janë ndezujr kurrë dhe paguajnë kontrata, konsultime dhe paguajnë 600-700 mijë dollar në vit. Këto janë të gjitha para të vjedhura.
Discussion about this post