Zgjedhjet parlamentare të 11 Majit 2025 do të zhvillohen përmes një harte elektorale të konfiguruar. Kjo si pasojë e shtimit apo pakësimit të numrit të votuesve në qarqe.
Aktualisht Tirana është qarku me numrin më të lartë të mandateve 36. Por me rritjen e numrit të popullsisë në zgjedhjet e ardhshme propozohet të ketë 1 mandat më shumë.
Ky mandat i hiqet qarkut Korçë aktualisht me 10 mandate dhe mbetet nëntë.
Por kush fiton dhe kush humb nga ky rikompozim i hartës elektorale?
Nëse shikojmë rezultatin e zgjedhjeve të fundit parlamentare të 2021 nëse do të kishim 37 mandate në Tiranë, atëherë mandati i 37-të do t’i shkonte PS.
Ndërkohë po të analizojmë rezultatin e Korçës në 2021 dhe atje do të kishte 9 e jo 10 mandate, këtë mandat e humbte PS.
Megjithatë në kuadër të përgatitjeve të parlamentareve 2025 caktimin e numrit të mandateve për çdo zonë zgjedhore do ta vendosë Komisioni Rregullator.
Vendimi:
Tiranë më 05.12.2024
Zgjedhjet 2025 – KRr miraton numrin e mandateve për çdo qark dhe ngritjen e zonave të administrimit zgjedhor
Sot, Komisioni Rregullator shqyrtoi projektvendimin “Për caktimin e kufijve dhe ngritjen e zonave të administrimit zgjedhor, për Zgjedhjet për Kuvend të vitit 2025”.
Komisioni caktoi kufijtë dhe ngritjen e 93 (nëntëdhjetë e tre) Zonave të Administrimit Zgjedhor për Zgjedhjet për Kuvend, që do të mbahen në datën 11 Maj 2025.
Bashkitë që kanë më shumë se 80 mijë shtetas me të drejtë vote ndahen nga KQZ-ja në më shumë se sa një ZAZ, duke respektuar kriterin e pandashmërisë së territorit të njësisë administrative, vazhdimësinë dhe kompaktësinë e territorit, barrierat gjeografike, mundësitë e mira të komunikimit brenda territorit dhe numër të përafërt zgjedhësish.
Gjithashtu, u shqyrtua edhe projektvendimi “Për miratimin e numrit të mandateve për çdo zonë zgjedhore, për Zgjedhjet për Kuvend të vitit 2025”.
Komisioni Rregullator miratoi numrin e mandateve për 12 qarqet e vendit, si më poshtë vijon:
1. Qarku Berat 7 mandate
2. Qarku Dibër 5 mandate
3. Qarku Durrës 14 mandate
4. Qarku Elbasan 14 mandate
5. Qarku Fier 16 mandate
6. Qarku Gjirokastër 4 mandate
7. Qarku Korçë 10 mandate
8. Qarku Kukës 3 mandate
9. Qarku Lezhë 7 mandate
10. Qarku Shkodër 11 mandate
11. Qarku Tiranë 37 mandate
12. Qarku Vlorë 12 mandate
Komisioni Rregullator vendosi shtyrjen e shqyrtimit të projektvendimit “Mbi rregullat për numërimin dhe vlerësimin e votave nga jashtë, dokumentacionin përkatës dhe mënyrën e plotësimit të tij, si dhe tabelimin e rezultatit të votimit nga jashtë”.
gijotina.com/
Discussion about this post