Në vetëm 15 ditët e para të muajit Janar, Thesari i Shtetit ka transferuar drejt klientëve buxhetorë, një shumë të frikshme prej 554 MILIARD Lekësh, që shënon një rritje me 15 MILIARD Lekë, krahasuar me të njëjtën periudhë të një viti më parë, sipas të dhënave nga OpenData.
Pagesat përfshijnë kategori të ndryshme, duke nisur nga kontratat PPP dhe koncesionet, investimet publike, teknologjinë e informacionit dhe transaksione për likuidimin e TVSH-së.
Ky fluks i lartë pagesash vjen në një vit zgjedhor, duke ngritur pikëpyetje mbi ritmin e shpenzimeve publike dhe destinacionin e tyre.
Rritja e ndjeshme e pagesave publike në fillim të vitit është një tregues i dinamikës buxhetore në një periudhë zgjedhjesh, ku vihet re një intensifikim i shpenzimeve.
Nëse do të bënim një përmbledhje të shkurtër të sasisë më të lartë të miliardave të dhëna nga institucionet shtetërore kundrejt klientëve të qeverisë, do të spikasnim disa në vlera shumë-shifrore.
Në listën e gjatë me mbi 109 transaksione nga Thesari i Shtetit mbi 1 MILIARD Lekë (të cilën mund ta aksesoni duke klikuar këtu) vërehen transaksionet në shifra të çmendura të ARRSH kundrejt oligarkëve të vendit, të cilat do të zbardhen në artikullin e radhës.
VLERAT DHE KLIENTËT
Tan Agolli i FSHZH ka likujduar me mbi 2.4 MILIARD Lekë Pëllumb Salillarin për përmirësimin e transportit urban dhe parkimin e QSUT.
Ilirjan Celibashi i KQZ i ka dhënë mbi 1.7 Miliard Lekë Grigor Jotit të INFOST Systems firmën të cilën e ka kamufluar jashtë pronësisë së vet, për pajisje instaluese telekomunikacioni.
Mirlinda Karcanaj e AKSHI i ka dhënë mbi 2.1 MILIARD Lekë Koço Kokëdhimës me Abissnet për shërbime interneti.
Elda Muçi e UKT i ka dhënë mbi 2.2 MILIARD Lekë Shkëlqim Fushës për shtesa impianti për pëepunimin e ujit të pijshëm të Bovillës.
Drejtori i Përgjithshëm i UK Klevis Jahaj i ka dhënë 3 MILIARD Lekë Power Industries të Andi Markut për mjete teknike të veprave ujore dhe 2.3 MILIARD Lekë Milo & Lenc Gjikurisë për garanci të vazhdimësisë së punimeve.
Drejtori i UK Lezhë Zef Maci i ka dhënë 1.4 MILIARD Lekë GPG të Paqsor Buzit për vazhdim të sipërmarrjes së punimeve.
Reparti Ushtarak Nr.1001 Tiranë i ka dhënë 1.4 MILIARD Lekë KOAN të Ardian Davidit për kompletim me mjete dhe pajisje për operacionet e emergjencave civile.
Kryebashkiakja e Laçit Majlinda Cara ka dhënë për kompaninë ARB & TRANS 2010 të Arben Malokut, ish-kryetarit të njësisë Adminuatrative Zall Herr, 1.2 MILIARD Lekë për vazhdim punimesh në kuadër të Rindërtimit.
UK Dibër Erger Kosiqi i ka dhënë SHANSI INVEST të Shpëtim & Bardhyl Cingës 1.8 MILIARD Lekë për ndërtim të depos së ujit në Burrel/joq
Discussion about this post