Zhvillimet në selinë blu kanë qenë mjaft intensive ditët e fundit sidomos pas protestës së thirrur nga ish-kryeministri Sali Berisha dhe vendimeve të Kryesisë për përjashtimin dhe pezullimin e disa mbështetësve të tij.
Sipas selisë blu, 8 janë demokratët e përjashtuar, përfshirë dhe Sali Berishën, ndërsa për të pezulluarit do të kenë një tjetër shans që të rikthehen në parti nëse distancohen nga protesta e dhunshme e 8 janarit.
Por ajo që bie në sy në listën e të përjashtuarve dhe të të pezulluarve është fakti se mungojnë 4 deputetë që kanë mbështetur prej fillimit ish kryeministrin Berisha me turin e tij të Foltoreve.
Bëhet fjalë për Bujar Leskaj, Luçiano Boçi, Sorina Koti dhe Isuf Çelaj cilët kanë dale në krah të Berishës, por nuk janë në listën e të pezulluarve.
Leskaj ka qenë në takimet e Berishës në Vlorë, ndonëse për mediat është rezervuar të përfshihet ne debatin, ndërsa Luçiano Boçi ka dalë hapur pro Berishës.
Më pak të pranishëm në media kanë qenë deputeti i Kukësit, Isuf Çela dhe ajo e Korçës, Sorina koti, por që nuk janë munguar më Foltoret në zonat e tyre elektorale.
Deputetët e lart përmendur kanë qenë “të privilegjuar”, ndryshe nga kolegët e tyre, të cilët do të duhet të paguajnë çmimin për vendimet e ndërmarra.
Discussion about this post