Transferimi i Raphael Varane te Manchester United për 50 milionë euro e përjashton atë nga lista me 10 mbrojtësit më të shtrenjtë në histori, me Matthijs de Ligt dhe Achraf Hakimi që ndodhen përpara tij.
Qendërmbrojtësi holandez u bashkua me Juventusin nga Ajax për një shifër prej 85.5 milionë euro në verën e 2019-ës, duke u bërë mbrojtësi i dytë më i shtrenjtë në histori.
Ndërsa transferimi i Hakimit për 60 milionë euro nga Interi te PSG këtë verë është transferimi i tetë më i shtrenjtë që përfshin një mbrojtës.
Sidoqoftë, çmimi përfundimtar i Hakimit mund të jetë më i lartë pasi gjigandët e Ligue 1 mund të shtojnë 11 milionë euro në bonuse gjatë viteve.
Nëse ata do paguajnë të gjithë tarifën, Hakimi do të bëhet mbrojtësi i pestë më i shtrenjtë në histori, përpara Ruben Dias të Manchester City raporton ‘Football Italia’.
Këtu është lista e 10 mbrojtësve më të mirë në histori:
John Stones kaloi te Manchester City nga Everton për 55.6 milionë euro në 2016
Benjamin Mendy kaloi te Manchester City nga Monaco për 57.5 milionë euro në 2017
Achraf Hakimi te PSG nga Inter për 60 milionë euro në 2021
Aymeric Laporte u transferua te Manchester City nga Athletic për 65 milionë euro në 2017
Joao Cancelo te Manchester City nga Juventus për 65 milionë euro në 2019
Ruben Dias kaloi te Manchester City nga Benfica për 68 milionë euro në 2020
Lucas Hernandez u transferua te Bayern Munchen nga Atletico Madrid për 80 milionë euro në 2019
Virgil van Dijk kaloi te Liverpool nga Southampton për 84.6 milionë euro në 2018
Matthijs de Ligt u transferua te Juventus nga Ajax për 85.5 milionë euro në 2019
Harry Maguire kaloi te Manchester United nga Leicester City për 87 milionë euro në 2019./Gijotina.com
