Ditën e sotme Sekretari i Përgjithshëm i Partisë Demokratike, Flamur Noka, ka takuar kreun e Partisë së Lirisë, Ilir Meta.
Burime mediatike bëjnë me dije se në fokus të takimit ishin zgjedhjet e vitit 2025, pasi mes aleateve opozitare, do duhet të përcaktohet modalitetet sesi do të përbëhen listat zgjedhore.
Konkretisht Meta duhet të informohet sesa kandidate të PL-së do të jenë në listat e Partisë Demokratike.
Kujtojmë se pak ditë më parë Ilir Meta u shpreh publikisht se do të kandidonte në qarkun e Tiranës. Javën e ardhshme pritet të ketë një tjetër takim mes PD e PL për t’u dakordësuar për marrëveshjen e tyre.
Takimi i Metës me Nokën vjen në një moment pamundësie për të takuar kreun e PD-së, Sali Berishën i cili prej 30 dhjetorit të vitit të kaluar ndodhet në “arrest shtëpie” për shkak të hetimeve që po kryen SPAK ndaj dosjes “Partizani”.
Në kampin opozitar ende nuk ka një vendim nëse do dilet me një listë apo dy lista te ndara me aleatet, por para se te arrihet një dakordësi Flamur Noka po nxiton te marrë mendimin e secilit aleat.
Javën e ardhshme takimet e ndara do te vijojnë edhe me republikanin Fatmir Mediu, Agron Duken e Partisë Agrare, Vangjel Dulen e PBDNJ-së dhe aleate te cilët kane firmosur për te qenë në një front.
Discussion about this post