Një dron shkatërrues i është dhuruar ushtrisë ukrainase nga Lituania. Droni “Bayraktar TB-2” me vlerë 5 milion euro u ble nga Lituania pas donacioneve nga qytetarët e saj. Qeveria e njoftoi arritjen të shtunën në llogarinë në Twitter dhe tha se shuma u mblodh brenda tre ditëve, kryesisht nga donacionet e vogla. Dronët “Bayraktar” janë ndër armët më moderne dhe më të famshme në arsenalin e ushtrisë ukrainase.
Në fillim të luftës ushtria ukrainase postoi një video që tregonte sulmet e kësaj arme ndaj ushtrisë ruse, së cilës i kishte sjellë dëme të mëdha.
Ukraina, nga ana e saj, e falenderoi Lituaninë për kontributin që ajo i dha, si një shtet i BE-së dhe fqinj i Rusisë gjithashtu.
Discussion about this post