KAS (Komisioni i Ankimeve dhe Sanksioneve) është mbledhur sot për të dhënë vendimin për Bashkinë e Elbasanit.
Po ashtu gjatë paradites së sotme KAS i ka dhënë fund shqyrtimit të kërkesës ankimore të koalicionit “Bashkë Fitojmë” për bashkinë e Kamzës.
Në këto momente KAS vijon shqyrtimin e kërkesës ankimore për garën elektorale në bashkinë e Elbasanit.
Rendi i ditës
KQZ – Mbledhja e Komisionit Ankimimeve dhe Sanksioneve, datë 07.06.2023.Rendi i ditës:
1. Shqyrtimi i Kërkesës Ankimore nr. 85, datë 24.05.2023, depozituar nga Koalicioni Bashkë Fitojmë, me objekt: “Kundërshtimin e vendimit nr. 539, datë 20.05.2023 “Për miratimin e Tabelës Permbledhëse të Rezultateve për zgjedhjen e kryetarit të Bashkisë dhe për Këshillin e Bashkisë, në Zonën Zgjedhore Bashkia Elbasan, për zgjedhjet për organet e Qeverisjes Vendore të datës 14 maj 2023”; – Ekspertimin kompjuterik të çdo pajisjeje elektronike që është e pajisur me server për ruajtjen e të dhënave elektronike. Kjo të realizohet nga ekspertë të huaj të pavarur nga institucionet shtetërore apo Komisioni Qëndror i Zgjedhjeve. Për këtë nevojitet që pajisjet të ruhen në kushte të përshtatshme në gjendjen aktuale me qëllim mosndërhyrjen nga personat e paautorizuar si dhe të mirëruajtura nga agjentët atmosferikë. – Krahasimin e rezultatit elektronik të zgjedhjeve me rezultatin fizik (fleteve të votimit të gjendura në kuti) për çdo qendër votimi. Për këtë kërkohet një proces sa më transparent dhe gjithëpërfshirës. – Kqyrjen e kamerave të jashtme dhe të atyre të përdorura brenda qendrave të votimit me qëllim evidentimin e të gjithë personave të paautorizuar apo pjesë e administratës vendore dhe qëndrore në nivel specialist apo drejtuesi, që kanë qënë gjatë gjithë kohës nëpër qendra votimi, evidentimin e mosnënshkrimit të deklaratave përkatëse për votuesit që janë shoqëruar, evidentimin e votimit nga vetë Operatorët e PEVN-ve, evidentimin e votimit të komisionerëve per llogari të votuesve. – Krahasimin e kodeve të votuesve me listën e votuesve për çdo QV në Bashkinë Elbasan, në lidhje me pajisjen e identifikimit të votuesve (PED). – Rinumërimin dhe rivlerësimin e votave në të gjitha qendrat e votimit te njësisë zgjedhore, Bashkia Elbasan dhe miratim i tabelës përmbledhëse për zonën zgjedhore Bashkia Elbasan duke përfshirë në të rezultatin e dalë nga rinumërimi dhe rivlerēsimi i votave; – Pavlefshmëria e zgjedhjeve të zhvilluara në zonën zgjedhore Bashkia Elbasan; – Se fundmi, pasi të jenë kryer veprimet e mësipërme dhe të keni krijuar bindjen Tuaj institucionale se kjo nuk është vota e qytetarëve”./Gijotina.com
Discussion about this post