Nis me tensione protesta për dorëheqjen e Veliajt, molotov drejt Bashkisë

Ka nisur protesta e 12-të para bashkisë së Tiranës, me tubuesit që kërkojnë dorëheqjen e Erion Veliajt si kryebashkiak dhe arrestimin e tij.

Tubimi nisi me tensione, me molotovët që u rikthyen drejt godinës së bashkisë.

Pati po ashtu përplasje mes protestuesve dhe policisë teksa tubuesit kërkuan që të heqin gardhin metalik të vendosur rreth bashkisë nga forcat e rendit.

Tubimet nisën pas arrestimeve të drejtorëve të Veliajt lidhur me procedimin penal të njohur si “5D” dhe kanë vijuar në mënyrë periodike çdo javë.