Nis protesta e 19-të për dorëheqjen dhe arrestimin e Veliajt

Nis protesta e 19-të para Bashkisë së Tiranës, ku qytetarët kërkojnë dorëheqjen e kryebashkiakut, Erion Veliaj.

Në protestë janë qytetarë, aktivistë dhe përfaqësues të opozitës të cilët denoncojnë korrupsionin dhe skandalet që kanë ndodhur në këtë bashki.

Ata shprehen të vendosur se nuk do të dorëzohen derisa të largojnë Veliajn nga pushteti dhe ky i fundit të përfundojë para drejtësisë.

“Asgjë nuk na ndal. Erion Veliaj je hajdut i faktuar nga Sali Berisha dhe Belind Këlliçi”, u shpreh Erges Eskiu.

Protestat para kësaj bashkie po zhvillohen për skandalet që kanë ndodhur në këtë institucion, siç janë afera e inceneratorëve dhe dosja “5D”, ku janë arrestuar pas hetimeve të SPAK-ut, një sërë drejtorësh.

Edhe vetë Veliaj u mor në pyetje nga SPAK-u për aferën e inceneratorëve.