Këtë të martë po zhvillohet protesta e radhës para Bashkisë së Tiranës, me tubuesit që kërkojnë dorëheqjen e Erion Veliajt nga posti i kryebashkiakut dhe vënien e tij në pranga.
Veliaj cilësohet nga protestuesit dhe opozita që mbështetet tubimet, “pronari faktik i inceneratorit të Tiranës” dhe “koka e bandës së drejtorëve hajdutë të bashkisë”.
Kjo e sotmja është protesta e nëntë që zhvillohet para bashkisë. Tubimet nisën pas arrestimeve të drejtorëve të Erion Veliajt lidhur me procedimin e njohur si “5D” dhe janë zhvilluar periodikisht çdo javë.
Së fundmi, në media është publikuar një dokument që zbulon nisjen e një hetimi pasuror për Veliajn dhe familjarë të tij nga Prokuroria e Posaçme.
Vetë Veliaj është vetdeklaruar i pafajshëm si për aferën e inceneratorit inekzistent të Tiranës, ashtu edhe atë “5D”.
Ndërkohë, opozita vijon me denoncimet publike dhe kallëzimet në SPAK të të tjera aferave të dyshuara në Bashkinë e Tiranës, në qendër të së cilave është Erion Veliaj dhe zyrtarët e zgjedhur prej tij.
Discussion about this post