Nis protesta e tetë për dorëheqjen dhe arrestimin e Veliajt

Këtë të martë, para hyrjes së bashkisë së Tiranës, po zhvillohet protesta e tetë që pas arrestimit të drejtorëve të Erion Veliajt lidhur me dosjen e njohur si “5D”.

Me thirrjet “hajdut”, protestues dhe përfaqësues të opozitës kanë kërkuar dorëheqjen e Veliajt nga posti i kryebashkiakut dhe arrestimin e tij. Ata e cilësojnë Veliajn “kokën e bandës së drejtorëve hajdutë” dhe “pronarin faktik të inceneratorit të Tiranës”.

Nga ana tjetër, Erion Veliaj pretendon se nuk ka pasur dijeni për aferat e vartësve të tyre.

Opozita është shprehur se protestat do të jenë të vazhdueshme deri në dorëheqjen e Veliajt dhe përballjen e tij me drejtësinë.

Që në nisje të tubimit të sotëm, është hedhur molotov drejt fasadës së bashkisë.