Molotov është hedhur nga protestuesit në derën e Bashkisë së Tiranë, ku këtë të premte po zhvillohet protesta e tretë që pas arrestimeve lidhur me dosjen “5D”.
Protestuesit e shprehën edhe në këtë mënyrë revoltën e tyre, ndërsa efektivët e policisë ndërhynë me zjarrfikës duke shuar flakët.
Nga mikrofoni i protestës, qytetarë, aktivistë dhe përfaqësues të opozitës kërkuan dorëheqjen e Erion Veliajt nga posti i kryetarit të Bashkisë. Nuk mungoi as apeli drejtuar Prokurorisë së Posaçme për të vepruar ndaj kryebashkiakut.
“Veliaj ka vjedhur paratë publike me aferën e inceneratorit dhe kompanisë 5 D. SPAK nuk po lëviz”, u shpreh një prej qytetarëve, duke kërkuar protesta të vazhdueshme deri në dorëheqjen e Veliajt. Qytetarët dënuan dhe reagimin e Veliajt, i cili sipas tyre po u thotë se pavarësisht vjedhjeve, “nuk keni çfarë më bëni”.
Në protestë u ngrit dhe shqetësimi nga banesat e pallatit në rrugën “Feri Xhajko”, të cilëve bashkia u ka dërguar një shkresë disa ditë më parë, ku i njofton për shembjen e ndërtesës me argumentin se është dëmtuar nga tërmeti. Banorët e cilësojnë vendimin të padrejtë.
Discussion about this post