Liverpool është zyrtarisht kampion i Premier League për sezonin 2024-2025. Ekipi i drejtuar nga Arne Slot ka fituar 5-1 ndaj Tottenham në “Anfield”, duke festuar në mënyrën më të mirë të mundshme titullin kampion.
Londinezët kaluan të parët në avantazh me Dominic Solanke, i cili dërgoi me kokë topin në rrjetë pas krosimit nga goditja e këndit nga James Maddison në minutën e 12-të.
Kundërpërgjigjja e të zotëve të shtëpisë nuk vonoi shumë. Luiz Dias barazoi shifrat në minutën e 16-të, kolumbiani shënoi aps asistit perfekt të Szoboszlai. Mac Allister shënoi golin e avantazhit në minutën e 23-të, argjentinasi shënoi me një goditje të bukur në kufijtë e zonës së rreptësisë. Në minutën e 33-të, ishte radha e Cody Gakpo për të shënuar golin e tretë. Holandezi shënoi pas një topi të ardhur nga goditja e këndit.
Në pjesën e dytë, Liverpool shënoi edhe dy herë të tjera, me Salah në minutën e 63-të dhe autogoli i Udogie në minutën e 68-të. Rezultati përfundimtar 5-1. Nis festa e madhe në “Anfield”.
Discussion about this post